鄭伊健若結婚 梁詠琪最開心

放大圖片

　■梁詠琪戴上黑超，皆因鼻敏感導致雙眼浮腫關係。

　【本報訊】（記者 梁靜儀）梁詠琪近日被指因舊愛鄭伊健與女友蒙嘉慧傳出婚訊而悶悶不樂，GiGi否認有此事，但承認仍關注伊健。

　昨日梁詠琪戴上墨鏡到電台接受訪問，她解釋因鼻敏感以致雙眼腫了起來，時下室內冷氣愈開愈大，對鼻敏感人士很辛苦，故希望室內溫度能像車速設定限制，而她平時在家中多會開風扇，甚少嘆冷氣。梁詠琪一直是「微博女王」，但近日其地位卻被鍾欣桐（阿嬌）取代，對此GiGi說：「只係知大家都過100萬。（好似鬥票房咁？）冇特別Check，有互相關注。」梁詠琪又稱玩微博主要是轉發世界新聞，讓大家去關心一下世界。不過有粉絲卻借微博發私信邀請她去活動，她便交給公司處理。

　感情仍未有著落的梁詠琪，近日被指因舊愛鄭伊健與女友蒙嘉慧再次傳出婚訊，被拍到她悶悶不樂的照片，GiGi解釋相片是數個月前的，更指責將兩者拉埋一起講好無聊。對於舊愛傳出婚訊，她大方的說：「如果佢結婚我最開心，當然要替人開心，有咩問題？係朋友都戥佢開心，希望伊健快D生BB，應該會好得意。（在微博有否「關注」伊健？）不答啦，你們自己睇，我關注他本人多過在微博上。」