分手惹來誣衊中傷許志安向舊愛致歉

放大圖片

　■安仔最歉疚的是分手給舊愛帶來許多麻煩，至於自己則是「清者自清」，無謂多講。

　【本報訊】許志安自宣佈與拍拖三年的圈外女友余德琳（Michelle）分手後，兩人分手原因亦備受揣測，余德琳被指因偷睇安仔SMS、逼婚等行為被飛；安仔舊愛鄭秀文則以千字自我剖白心情，以示清白。昨晚安仔首度就事件開腔，更對兩位舊愛致歉。

　前晚安仔到電視城為《勁歌金曲》錄影，面對大批傳媒，安仔愁容滿臉地表示要代前女友Michelle澄清，並希望大家給她空間，他表示最近有雜誌及媒體報道關於他與Michelle傷害性及不實的報道，在他而言不會就中傷有乜反應，因為他是圈內人，知道娛圈運作方式，但他要同Michelle講句公道說話，畢竟佢係圈外人，「對佢失實報道及誣衊中傷，如偷睇我SMS、逼婚，甚至同居，全部都無。」安仔希望大家畀空間Michelle，因為她畢竟係圈外人，不要對她及家人、朋友、同事構成不便及麻煩。

　說到鄭秀文撐他，安仔指算是清者自清，最重要是自己個人係點，最希望投入番工作。問到可有睇過Sammi千字剖白，安仔再次澄清分手與Sammi無關，他說：「佢已經表達�驉A唔關佢事，同佢講句唔好意思，我分手唔關佢事，連累到佢。」

　今日（12日）生日的安仔，聽到有記者祝他生日快樂時，才稍為有點笑容。他表示生日會在工作中度過。今個月19日是Sammi的生日，安仔表示不會與她交換禮物了。