|
【本報訊】（記者 梁靜儀）日前容祖兒叫大家勿因港人於菲律賓遇難發起炒菲傭熱，落選議員林依麗接受訪問時竟不屑的說：「佢有咩資格言論唧？呢D歌星仔，唔係話睇小佢，歌星就去唱佢匯歌囉。」出位言論片段在網上流傳後，除了惹來網民不滿，多位祖兒好友何韻詩、填詞人黃偉文甚至「勁敵」楊千嬅都在微博留言力撐。
何韻詩與黃耀明及林海峰(Jan)將於下月底舉行拉闊音樂會，昨日三人出席發佈會，阿詩更企落浴缸扮美人出浴，林海峰則自嘲是徐錦江，又笑稱到時會在音樂會上玩鴛鴦浴，互相擦背。
阿詩表示已在微博上回應了，及後才笑說：「我覺得係針對祖兒，其實針對晒我地，如果祖兒係「歌星仔」，我地都係歌星仔。(可覺得貶低了你地？) 好清楚，唱歌呢D賣藝的戲子唔可以回應時事，要送首《勁愛你》比佢。」明哥認為對方在這個時間，不應這樣說，挑起種族歧視，所以想送阿詩的《明目張膽》給對方。
|
