 放大圖片
■陳奕迅澳門演唱，幕後功臣齊齊打氣。
【本報訊】（記者 李思穎）「DUO陳奕迅2010澳門演唱會」將於12月11日假金光綜藝館舉行，昨日開招待會介紹詳情，並向陳奕迅送上巨型打氣棒，又一同吹動風車，寓意「貨如輪轉」。
近日經常出埠的陳奕迅聞悉李家傑以90億收購無線的消息，陳奕迅反叫對方收購他，還自動開價二、三億，「吹神」果然是吹水唔抹嘴。陳奕迅蠢蠢欲動說：「收購我啦，我好平，二、三億都可以。（你自己都搵到？）你們太誇獎我，我每場騷只收五萬元，純粹為興趣。（係咪唔想做，所以提議對方收購你？）唔係，點會有免費午餐，我可以用自己影響力回饋社會。（四叔都有千憶新抱徐子淇幫手宣傳。）咁唔好收購我，發下夢都得刦。」
挑起露雲娜條筋
陳奕迅早前跟露雲娜合唱後，稍後他的澳門演唱會亦有意邀請對方做嘉賓，陳奕迅謂:「我一陣打電話問佢，我估佢想唱歌，佢之前話我衰，搵佢唱歌挑起佢條筋，她沒唱23年，依然唱得很好，聲音充滿彈性，其實佢鬼婆性格很開放，又話減緊肥，幾正呀！」
陳奕迅到濠江演出，問他會否乘機在澳門賭兩手，陳奕迅表示；「唔會，向來對賭沒興趣，唔好賭又唔好飲，只好吹（水），這種娛樂不用花錢，其實有很多遊戲唔使用錢都可得到快樂，一樣玩得好開心。 稍後他便到美加繼續巡迴表演，台灣站預計在明年一月。
希望跟王菲合作
有傳陳奕迅和王菲前後夾功在台灣開騷？陳奕迅一臉愕然說：「我唔知，王菲是我喜歡聽的女歌手，不過我們不是太熟，但互相欣賞對方。（大家同公司都很少合作？）係呀，她經常在北京，我想她很深閨，通常北京生活都是早睡早起，我當然希望跟她合作，試問有誰不想？」
|
放大圖片
