|
香港文匯報訊（記者 李思穎）譚詠麟和劉德華份屬好友，對於有傳華仔太太朱麗倩懷孕消息，阿倫未有所聞，也沒過問，就算知道都不會透露，實行做「拉鍊口」。阿倫謂：「我無問華仔，因為未見到對方。（會否不敢開口問？）唔會唔敢，只會問完唔講出來，自己是拉鍊口。（可以透過微博透露出來。）這樣做大家便要估，如果華仔做老竇一定會恭喜他！（華仔有否向你請教生仔心得？）無，華仔唔會問，佢全部都識，好有經驗。（華仔未做過老竇喎。）佢好多事都好有經驗。（你暗示佢做過爸爸？）你地畀位我踩，我仲敢貪得意講多幾句咩。」
梁詠琪被問到華仔太太朱麗倩有喜，她笑說：「如果是華仔的兒子，這小朋友應該沒有朋友，皆因他長相太靚，沒有人敢行近，要是消息屬實一定會恭喜對方，但不打算致電向華仔了解。」
近日釣魚島的「撞船事件」造成中、日關係緊張，有指中國旅遊巴在福岡被包圍，對此，阿倫直言：「這時間風頭火勢，避得就避，每個地方都存在極端的人，所以免得過都不會去日本，之前阿叻都有叫我去日本滑雪，我話睇下點先，反之叫他改去加拿大滑雪，總之今年去日本都要想清楚先，如果殃及池魚便不好。」
梁詠琪表示暫時沒計劃到日本，這一來可以避免不必要意外，所以有計劃去日本旅遊的朋友，最好還是留在香港，GIGI希望中國和日本在經濟和政治上都和睦共處。
|
