 放大圖片
■千嬅捧得丁子高這個「終身成就獎」，以勝利者姿態切蛋糕。
香港文匯報訊 楊千嬅與丁子高的「姊弟戀」開花結果，前晚筵開48席大宴親朋，晚宴大部分是雙方家人及親友，只有7席是圈中好友。晚宴上丁子高扮傻搞笑給老婆一個驚喜，他自製一條短片，一人分飾老公和BB兩角，逗得台下的太太千嬅捧腹大笑，賓客都拍爛手掌。丁子高「恨」做爸爸恨到出面。
晚宴上，一對新人不停於台上多謝今次幫手搞婚禮的好朋友，多謝完一輪後，千嬅發揮大笑姑婆本色笑道：「點解咁似叱卂頒獎禮……哈，哈！好似講緊得獎感受咁，哈，哈！今晚我得到呢個『終身成就獎』，比以往任何一個獎更加讓我開心、感動及快樂！多謝老爺奶奶，送個咁好老公畀我，令我搵番自己，我真係唔識講咩好，只識講多謝。我最希望係爹地、媽咪身體健康，幸福快樂，我結婚你地唔係無咗個女，係多咗個仔。希望細佬都快些結婚，咁加埋我地全家就多咗一個仔，一個女。」
丁子高扮BB逗老婆
丁子高亦感性地說：「我以前一生中最愛三個女人，一個係婆婆，一個係媽咪，一個係姐姐。依家開始，我生命中多咗兩個最愛的女人，一個係我老婆，一個係千嬅媽咪，媽咪我會好好咁照顧千嬅，亦都一定會全心全意照顧你同爹地（外父外母）。」兩人的一番話令雙方父母聽了極開心。
全晚的高潮當然是丁子高一早預備好給老婆的驚喜禮物，丁子高自製一條短片，他一人分色兩角，先以老公身份在產房等老婆生仔，然後自己穿上肉色緊身衫係studio裡面扮初生嬰兒，再加上同穿肉色緊身衫同一班兄弟載歌載舞，全場笑翻天。
千嬅出嫁林夕「痛愛」
名填詞人林夕是千嬅好友，他上台致詞時表示， 1996年就開始幫千嬅服務—填詞，寫的歌有成七十多八十首。15年睇住佢大，睇住佢冇壞，睇住佢等到今日夢想成真，我相信得獎都無咁開心，人生有個膊頭攬住會開心好多。曾經我好肉麻比喻，佢好似我心頭一塊肉咁。佢結婚啦，我身上塊肉割咗畀人，依家又痛又愛，加起來就是「痛愛」。今晚，送一句話給千嬅 : 「原來在快樂中，不必明白快樂。」
|
放大圖片
