華仔「安歌」掀高潮 葉蒨文登場歌迷意外

放大圖片

　■ 劉德華請來葉蒨文擔任嘉賓，全場歌迷歡呼。

　香港文匯報訊（記者 植植）劉德華演唱會前晚嘉賓方面就「打孖上」，繼有陪住大家同華仔成長的賈思樂外，在Encore環節更有天后葉蒨文出現，兩人並合唱《心酸的情歌》一曲，掀起全晚高潮。

　前晚華仔表現可謂愈戰愈勇，在Encore環節以勁歌熱舞引領萬多位歌迷進入至high狀態，華仔還問粉絲「夠未」，未夠就請特別嘉賓Sally葉蒨文出場；由於過去七場都未試過Encore時段有嘉賓現身，所以令大家相當驚喜；葉蒨文除了跟華仔合唱《心酸的情歌》外，更真情流露大讚華仔是個好男人，即引來粉絲們不停尖叫。葉蒨文說：「我同華仔相識好多年，未來做嘉賓前，我媽媽睇電視時見到華仔演唱會，仲同我講叫我一定要去睇，所以我好開心華仔會搵我做嘉賓，因為大家相識咁耐，我真係覺得佢係一個好歌手、好演員、好男人及一個好人，所以大家要繼續支持華仔。」惺惺相惜的華仔跟Sally準備來個擁抱，但搞鬼的Sally就笑指華仔好大汗，但好友難得聚頭，最後兩人當然也來個抱抱互相支持。

　華仔演唱會連日來也有不少圈中友好來捧場，前晚除了有莫文蔚外，又有朱玲玲和丈夫羅康瑞，就連剛剛在北京開演唱會返港的GiGi雖抱病在身，仍堅持捧場，實行以行動支持，非常難得。