 放大圖片
■吳君如想分華仔身家，劉德華即刻提高警惕。
香港文匯報訊 劉德華在元旦夜的演唱會請來一男一女表演嘉賓，豈料男的林子祥公然在台上追債，女的吳君如則在紅館「集郵」，令華仔的2011年首場演出歡樂滿瀉。
吳君如一向Talk得，她甫出場已「玩謝」華仔，笑言：「真係好想當著萬二觀眾面前『集』你，去年集郵女星搞到滿城風雨，講明�蔬茩曮Y我先，但今日真係好想摸吓你六口舊腹肌！」華仔於是就範，讓君如一償「獸慾」。
吼住劉德華副身家
之後君如繼續玩嘢，呻華仔今次個唱一票難求：「飛真係好難買，梗係打畀華仔啦！我老竇能否長命百歲真係靠晒佢，鬼叫我老竇識好多醫生朋友，佢哋個個搵我幫手撲飛，仲有我細佬個老闆，佢能否升職加薪都睇呢鋪，搞到我係咁撲飛，後來我收到華仔電話，佢話佢本人都係得尾場其中十二張飛，只能夠畀五張我，但我成家有六個人，得五張飛點分，咁今晚咪惟有焗住上來畀人睇囉！」
難得機會睇到腳趾
君如愈講愈興奮又大爆華仔節儉：「明星中你都係最節儉，我就未見過有咁紅的明星，只係得一個助手、一架車、只係住千餘呎的屋！話時話，其實你留番錢做乜，係咪留晒畀麥當勞之家？不如留些畀我啦，我想『集』埋你副身家！」華仔被君如激死，說：「你係咪唱歌㗎，講得就講，拖延晒個演唱會時間！」並除鞋作狀掟向對方，豈料君如即借題發揮：「嘩嘩嘩！你哋有無見過華仔的腳趾呢？好難得機會啊！」頓令華仔哭笑不得。
玩完一輪，君如乖乖獻唱《明星》，吹水是君如的拿手好戲，不過，君如原來都唱得兩嘴。但當唱至中段她又再忍不住自加獨白說：「如果要揀天上一粒星畀華仔，我一定唔會揀流星，因為華仔永遠唔會揸流攤，揀只可以揀恒星，因為佢永遠都咁行！」引得哄堂大笑。
話明搵一蚊畀四毫
林子祥出場又掀起一陣高潮，原來阿Lam在華仔心中是個很重要的人，他是受阿Lam影響才立志成為歌手。所以阿Lam藉機會公開「追債」，他說：「我第一次見佢係拍MV，華仔負責伴舞，當時我已覺得個肥仔幾得意，仲送佢返屋企，跟著82年一次在海南島拍戲，我就叫佢不如試吓唱歌，當時你仲話：『如果我得，就搵一蚊畀四毫你。』你記唔記得自己有講過先？你而家做咗多年歌星，欠我咁多，條數襟計囉！」華仔說：「係咩？我有咁講？咁以後我唱歌賺到的錢，四十蚊畀Deannie姐、四十蚊畀你、二十蚊留畀屋企啦！」
阿Lam又爆當年他踩錯腳墮台昏迷時，華仔在醫院睇足佢全晚，可見華仔十分重視這位樂壇恩師。最後阿Lam唱出《憑著愛》時，華仔即走到觀眾席前扮fans，又揮動螢光棒，帶動全場萬二觀眾向阿Lam致敬，場面溫馨。
|
放大圖片
