陳奕迅自薦做肥鵰 志偉大爆華仔私隱

放大圖片

　■志偉跟華仔聯同六位小武僧唱出《笨小孩》。

　香港文匯報訊　劉德華演唱會前晚請來兩位演藝界的「口水佬」擔任演出嘉賓，先有陳奕迅吹水自薦做肥鵰、後有跟小武僧表演的志偉大爆華仔私隱令華仔都買佢怕！

　陳奕迅上台即發揮「吹水王」本色說：「剛才第一次好集中聽華仔唱歌，真係好感動，隻歌咁有意義，差些畀你搞喊！頭先同你個朋友傾偈，仲話想翻拍《神鵰俠侶》，我已經應承�驉A睇你有冇興趣！我的角色比你簡單好多，淨係做隻鵰，對白更只得一個字……」並邊「拍翼」邊做出「鵰」的嘴型。搞笑的Eason還不罷休，又擺出黯然銷雲掌的姿態說：「鵰……你帶我去見小龍女！」華仔笑到碌地。

　曾志偉則被華仔形容為另一個癲佬，志偉自備睡衣拖鞋登場，與華仔襯到絕。「獎門人」笑言：「為撼華仔的六口舊肌，先練實一口舊，做到華仔個唱嘉賓心滿意足，我等足十七場，日日想打尖佢都話唔得，我話識唱《明星》佢又話已經排滿，惟有換定睡衣晚晚等！我其實準備講好多�洁A但知道前面是陳奕迅就無喇！」

　接著志偉憶述華仔的勤奮事例，又讚：「我係電影圈咁耐，無見過一個人比佢更勤力，最重要係佢勝不驕！佢做演員做得咁好，唱歌初初D人話佢似唱粵曲，而家又掂！跳舞？好多人叫我要去睇佢concert，話佢真係跳得好過郭富城！」華仔被激到哭笑不得說：「拿拿，大家記住呢句說話！咪話我講，係佢覺得咋！」豈料志偉再講：「你係演藝界乜都有晒，而家知佢有埋老婆口添！」全場即時哄動，華仔即時喝止。志偉跟華仔便聯同六位小武僧唱出《笨小孩》。