 放大圖片
■「農夫」孖寶和黃婉曼昨到電台宣傳遊戲節目《撳錢》。
香港文匯報訊（記者 李思穎）now 101台遊戲節目《撳錢》的幾位主持人黃婉曼、農夫昨日到電台宣傳，對於該節目大前晚開始收費令觀眾人數急降，由六萬多跌至一萬多，各主持覺得收費是否對收看人數受影響，各持己見，黃婉曼認為會有影響，然農夫便覺得沒問題，只是安裝需時，才會有人數下跌出現。
黃婉曼謂：「以我所知12月前會加碼一百萬，會是分開或一次送出便未知道。（觀眾下跌會否失望？）有萬幾人數都開心，要畀錢(開台)點都會跌，不過節目播出只得二、三星期，如果唔做我無得撈仲驚過你地。」她笑指緋聞男友熊永成就話有得主持《一個地球》節目，自己就無。（你提出加入？）我都有問過，不過要穿比堅尼，我已經拒絕了。」
問她會否以性感打扮挽救收視上升？她笑說：「唔關事，咁犀利會為咗睇我咩，其實獎金加碼已經好吸引，之前有觀眾獨得十萬，獎金多咗，點都會心思思繼續玩。也可以多邀請嘉賓上來，增強娛樂性。」
農夫覺得收費不會影響觀眾人數，C君謂：「監製話很多人打電話申請開台，電話台爆滿，而每日只能處理200至300位申請，所以日前已增設在遙控上即時申請開台的服務，估計恢復原來人數也要一個月內時間。（收費不受影響？）相信未中獎想中，中了的會繼續申請玩下去。（實中咩？）日日都有得，可能獎金會加碼、人地講到生意好，沒理由不相信。」
|
放大圖片
