 放大圖片
■鄭嘉穎出席「潮人飛行夢工場揭幕禮」，有靚女陪伴試玩遙控直升機。
香港文匯報訊（記者 梁靜儀）鄭嘉穎昨日出席「潮人飛行夢工場揭幕禮」，並即場用智能手機試玩遙控直升機，一償兒時心願，他坦言因模型飛機太貴，小時候玩唔起，所以無得玩，但現在科技先進，已可以在智能手機內下載程式玩遙控飛機。
鄭嘉穎近日忙於拍攝新劇《拳王》，被問到關於馬德鐘太太在微博上代夫抱不平、數落無線不是的睇法，嘉穎說：「佢應該是怕老公辛苦，咁都在情在理。」不過他認為TVB幾十年來都是廠景接外景，外景接廠景，開得廠景就預了無覺好𠳓。是否因此有咁多人走？他說：「無人迫你蕂，無人揸住支槍迫你蕂，你可以揀適合自己的工作，揀咗就睇自己點走，簽TVB有好多好的地方，以前劉德華、周潤發都係咁出身，食得鹹魚抵得渴。」
有指無線人工低，嘉穎指簽約時都講晒價錢，簽與否可以揀。問到是否簽了就要聽話？他不否認：「無人迫你簽，當然OK至簽。」雖然不少藝員數落無線，但嘉穎力撐TVB，說：「無TVB就無發哥、星爺及偉仔，無佢就無好多人。」
|
放大圖片
