古巨基讚林峯努力

放大圖片

　■古巨基選小儀為皇后，並為她加冕。

　香港文匯報訊　（記者 梁靜儀）最近古巨基再度以創作總監身份與服裝店合作推出自家設計的別注潮Tee，昨日基仔出席發佈會，阮小儀則擔任司儀，吸引數百途人圍觀，更有自由行旅客企上欄杆影相。大會又請來三位外籍模特兒模仿基仔在硬照廣告中的跳躍動作競選皇后寶座，但最終竟由小儀成為皇后，並由基仔為她加冕。基仔解釋因小儀似他的初戀女友，同樣身形細粒。記者提議基仔追求小儀？他卻推說：「我驚唔夠其他追求者爭。」當問到他是否已名草有主不能追求時，基仔卻扯開話題說自己連飲食也喜歡食中菜。

　談及有傳無線寧願犧牲他而呵護林峯，無獨有偶前晚基仔亦缺席，對此基仔說：「唔使出席咪放假囉。(無獎可失望？)邊個攞唔緊要，大家同公司，阿峯都好努力，戥佢開心。」不過基仔承認原本正在蘇州拍劇，公司亦度了期叫他返港出席優秀選，但之後又讓他放假，所以前晚去了睇張學友演唱會。

　至於蔡一傑醉駕，基仔表示聽收音機知道，但詳情就不了解，首先希望傑仔身體無損傷。