 放大圖片
■佘詩曼和鄭嘉穎果然「再見仍是朋友」，而且是互相欣賞、讚不絕口的知己朋友。
香港文匯報訊（記者 梁靜儀）佘詩曼和鄭嘉穎這對過氣緋聞情侶，去年傳出分手後，昨日首次同場出席公開活動，嘉穎全程笑容牽強，更避開阿佘視線，相反阿佘不但主動打招呼、碰杯祝酒，更搭著他的膊頭「騷」手錶，表現十分大方。問到阿佘會否與嘉穎「翻撻」？她則有所保留：「嘉穎係好男仔，大家好傾得埋。」
阿佘與嘉穎昨日一起為愛彼錶圓方專門店擔任剪綵嘉賓，同場出席的嘉賓還有喜運佳鐘錶集團董事蔡加讚和蔡加怡，品牌更特別邀請名模姚予晴(Mikki)和Sunny向在場嘉賓展示愛彼錶腕錶系列，剪綵後阿佘大方舉杯與嘉穎祝酒，又主動搭著他的膊頭展示手上的名錶。
傳聞對阿佘傷害大
鄭嘉穎接受訪問時表示，他與阿佘對上一次見面已是去年的事，現在在公司很少見到面，不過大家有通電話。早前阿佘被指是富商Tony蕭和太太之間的第三者，嘉穎出言力撐阿佘絕對不是第三者，他說：「當然係撐佢，報道有D無聊，新聞一睇就唔信。（你又知？）佢好快出聲明表態話唔係就唔係，我明白藝人有時無辦法，呢單新聞對個女仔傷害比較大，尤其係電視行業，牽涉到人地老公的傷害性就更大，但係佢處理得非常好，把傷害性減到最低。」
說到阿佘對上一次捲入他與周麗淇的戀情時也沒有發聲明澄清，鄭嘉穎聞言即時面色一沉，更推說：「呢個咪係結婚同未結婚的唔同。（即係男方未婚就無所謂？）單獨事件處理，過去已過去，我可以講阿佘無做第三者。（你指今次定以前？）肯定佢無做過，佢係一個好人，以佢D品格相信佢冇做過，一個人的本質係點我好清楚，總之同佢係好朋友，現在都係好朋友。」
搭膊頭影相好自然
阿佘得悉嘉穎力撐自己不是第三者後，帶笑道：「仲講緊呢樣嘢？呢個係事實。（係咪開心佢撐你？）咩呀？（他說信得過你的人品。）多謝支持。」問到分手後是否沒有再見面？她即緊張謂：「係拍完《宮心計》之後冇見。」問到剛才主動搭著嘉穎膊頭影相，是否大會要求？阿佘點頭承認。問到可會不願意？她反問：「點會呢？（你主動跟嘉穎打招呼？）係好自然的事。」
阿佘也承認同嘉穎仍有聯絡，大家也有提及那單緋聞，笑問她覺得嘉穎是關心還是八卦？阿佘指聽落是關心，但是否八卦就要問他了。
是傾得埋的好朋友
這次以舊情侶檔同場剪綵是否收貴些？阿佘表示差不多，而她事前也知道嘉穎會出席。至於再見過嘉穎有何感覺？阿佘笑說：「好開心，可以有錢賺及有靚錶睇。」
問到其感情生活，她表示等待中，當被問到可會接受嘉穎「翻撻」？她即帶笑謂：「你食唔食蛋撻？」及後才認真表示與嘉穎是朋友，更大讚嘉穎是好男仔，將來可有機會？阿佘指假設性的問題無謂多講，總之目前是傾得埋的朋友。
為陳志雲案出庭作供
事有湊巧，昨天剪綵活動舉行地點，正是當日阿佘與Tony蕭被拍到密會「斷正」的商場，問她重遊舊地可有陰影？她即沒好氣答道：「椾，胡鬧一場，冇咁好氣，都唔記得咗。」她不諱言自緋聞傳出後與蕭生已沒有見面，讓大家平復一下，因大家都為事件唔開心。
此外，陳志雲涉貪污案即將進行聆訊，多位藝員可能需出庭作供，阿佘也是其中之一，向她求證傳聞，她承認：「係呀，係呀，有關方面係個別通知，唔知邊個要上庭，不過日期未落實。」至於這段時間，她和陳生關於案件就唔可以傾。
|
放大圖片
