 放大圖片
■看王祖藍臉上那顆大眼淚，便可知他「幾扮嘢」。
香港文匯報訊 去年，「『咪咁扮嘢』王祖藍演嘢會」，王祖藍在舞台上唱、跳、演、玩、棟篤笑共冶一爐，超過兩小時的密集式爆笑𠳓身演出，全城喪Like，於是王祖藍將於今年8月19及20日，再度假灣仔伊利沙伯體育館，舉行兩場「王祖藍Show Off Show咪咁扮嘢會Ⅱ」，以「愛」作為主題，傾盡全力，有愛話愛，徹底玩盡初戀、熱戀、失戀、明戀、暗戀、癡戀、求婚、結婚……，更會將自己擺上檯，任玩唔嬲。
至於嘉賓，王祖藍稱：「而家Call緊親朋密友做嘉賓，有『女』有『男』，總之嚟得的都有驚喜，我仲會隨時拉埋觀眾上台，同我一齊Totally Show Off！」是次演嘢的宣傳海報，比去年玩得更癲更喪，是次祖藍不再以女裝出場，改以滿面鬍鬚、頭戴荊棘的超爆笑造型，扮成救世主，眼角配上極度誇張的大滴眼淚，然後擘大口高呼：「我要嫁畀耶穌！」
|
放大圖片
