 放大圖片
■張栢芝與謝霆鋒看上去的恩愛，曾經贏得大家讚許。資料圖片
香港文匯報訊（記者 李思穎）謝霆鋒、張栢芝婚姻「危危乎」，昔日人前恩愛的甜蜜夫妻，如今關係破裂，雖然兩位當事人對「婚變」採取緘默態度，然而身邊人卻不停「爆料」。連日來失蹤的張栢芝前晚深夜十一時許現身香港機場，但未見兩位愛兒Lucas和 Quintus同行，栢芝對傳媒提問沒有回應，不過她離港後，昨日其好友便發動攻勢，透過微博力數霆鋒不是，為栢芝「大平反」。
栢芝前晚在胞弟張豪龍陪同下一行五人現身香港機場，並在12名保安開路下急步進入禁區。全程戴上耳筒的栢芝未有回答記者提問，但仍保持笑容。
隨著栢芝飛抵德國後，「鋒芝」婚變消息峰迴路轉，事件中兩位當事人不曾就婚變表態，但繼狄波拉好友查小欣在節目「爆料」指控栢芝不斷「搾乾」霆鋒身家後，栢芝一方亦以同樣態度由旁人「爆料」，昨日栢芝經理人Emily和助手分別轉載栢芝好友Yuki Lee一篇微博，內容是為近期栢芝的負面報道作出平反，更力數霆鋒不是。
唔想頭家散
微博內文說：栢芝對於各大報章的報道均不作出任何回應，一直避開所有記者，都係為頭家，唔想頭家散，其實她真係好難受，特別不同報章雜誌都對佢作出不同攻擊，佢只可以啞忍，因為唔想影響到兩個仔。勸佢企出來講個事實給大家知道，佢點都唔肯，佢話唔想頭家散，也唔想傷害到任何人。於是這位好友抱打不平，決定將事實真相說出來。
在家都做戲
微博繼續談述：謝霆鋒得到「最佳男主角」獎是實至名歸，因為佢唔單止對住觀眾做戲叻，在屋企亦都做戲。微博訴說霆鋒在屋企完全無理過兩個仔，個仔行過佢身邊都可以當見唔到，淨係掛著打機，可以自己一個對住部電腦成日都唔同個老婆兩個仔講半句說話。兩夫妻一年同檯食飯幾次，其餘時間就係對著電腦。
好友在微博問：你們話栢芝貪錢？你知唔知謝霆鋒依家坐緊部保母車都係栢芝送畀佢，佢手上戴的錶幾十萬，又係栢芝送畀佢，如果佢真係咁貪錢，有無需要使咁多錢効個老公身上？
文章又說：報紙雜誌日日報道唔同新聞，查小欣爆料，又話係狄波拉講，實情就係謝霆鋒借阿媽把口講晒出來，目的就係逼栢芝開口同佢提出離婚，咁佢咪可以繼續扮演一個好爸爸、好老公囉，佢重可以同人講係栢芝要同佢離婚，唔關佢事口添，將所有罪名推晒畀栢芝。
保護兩個仔
文章又說：狄波拉同人講話栢芝無權要兩個仔，佢話兩個仔係姓謝，係屬於謝家，栢芝只係負責生。我真係唔明，點解作為一個媽媽、嬤嬤、奶奶，佢會講出咁樣說話。栢芝選擇唔開口係希望所有事情有彎轉，做所有事都係為兩個仔，保護兩個仔，甚至盲目維護佢老公個形象。
文章最後表示：我今次將件事講出來，係希望畀人知道真相，睇清楚究竟係邊個努力去維繫一段婚姻，邊個處心積慮唔理傷害人都要達到自己目的。
霍汶希緘默
張栢芝經理人Emily和助手均指微博內容是事實，Emily也寫道：「人是有底線的，單方面想維護家庭而啞忍是沒用的，到頭來只換來每天受到謝家傷害及中傷，好恐怖！」其後，Emily又上載了追訪栢芝的記者相片。而「鋒芝」兩批粉絲各自支持自己的偶像，更在微博上展開互罵。
而霆鋒的經理人霍汶希回應微博一事表示：在依家這個時候，包括當事人同旁邊匯人加任何回應都係雪上加霜，本著過往作風，依然保持緘默。
|
放大圖片
