 放大圖片
香港文匯報訊（記者 植植）有「混血E神」之稱的新進混血女模林宜芝(Monna)（見圖），將於今年書展推出寫真集，為讓拍攝效果更理想，Monna飲了些少紅酒才投入拍攝，她聲稱飲酒後心情放鬆，擺甫士就更自然。
原來以前Monna酒量十分差，飲兩啖啤酒都會頭暈，試過飲了兩罐啤酒，便要入廁所嘔，還要朋友送回家。Monna說：「朋友同我講，出去玩女仔唔識飲酒會好蝕底，所以我決心練好自己匯酒量，之後我自己一個人在屋企都會飲酒，咩酒都飲，飲得多酒量真係可以練出嚟，到我覺得自己有返咁上下，約個男仔朋友出來鬥酒，一晚溝咗啤酒、紅酒、威士忌，我都沒醉，當時真係好有成功感。」
進入娛樂圈做模特兒後，Monna反而少了機會飲酒，她說：「依家就算飲都係淺嚐，空肚好容易醉，如果食得飽就可以飲多兩杯，我從來唔會追酒飲，應酬場合我更加會提醒自己，一覺得眼𠳓一定要走，因為醉咗𠳓効現場會好失儀。」問 Monna可有被人隊酒的經歷，她說：「那又沒有，朋友都好錫我，不會迫我飲的。」
|
放大圖片
