千嬅雙重驚喜冧老公

http://paper.wenweipo.com [2011-08-01] 我要評論

放大圖片

　■千嬅穿上迷彩外套大跳《寒冰掌》送驚喜予老公。

　香港文匯報訊（記者植植）楊千嬅前晚在廣州體育館舉行演唱會，60多位親友連同老爺奶奶等拉大隊到場支持。千嬅於台上為老公丁子高慶祝生日，特別排練老公於組合VRF時期的快歌《寒冰掌》，加上全場近萬觀眾齊唱生日歌，令丁子高笑逐顏開。

千嬅前晚於廣州舉行巡迴演唱會，特別訂製數套全新舞衣，又獻唱全新廣東歌《火鳥》。60多位親友連同老爺奶奶等拉大隊到場支持，順道為7月31日生日的丁子高慶祝。千嬅於台上一貫勁歌熱舞示人，台下8千觀眾反應熱烈，一見丁生現身即狂叫，更要保安維持秩序，令丁生哭笑不得。

險從升降台跌倒

　之後千嬅介紹特別嘉賓劉浩龍出場，師兄笑言都唔知點解要選唱《姊妹》，不過上次許志安做嘉賓唱完之後，轉頭就同返鄭秀文一齊，咁希望好似傳花球咁，自己唱完都好快有拖拍啦。但當千嬅轉身準備由升降台落台之際，升降台原來已開始降下，令她幾乎跌倒。幸好師兄眼明手快即時扶住千嬅，但千嬅已不住大聲喊驚，幸好最後有驚無險。

丁子高面紅打招呼

　到演唱會末段，千嬅於台上突然宣佈要給丁生驚喜，她邊披上一件迷彩外套邊說：「大家都知丁生以前唱歌，我今日就唱返佢當年的《寒冰掌》畀佢聽，因為我的排舞老師就係佢當時的排舞老師，呢件衫就係當年佢著那件。」坐於台下的丁生則驚喜不已，起立鼓掌。之後現場觀眾狂叫丁生上台，千嬅說：「玩過龍喇今次，我唱足兩個幾鐘都冇你一個人坐係台下咁好反應，畀個咪你同大家打個招呼啦」。而丁生面紅紅接過咪後，轉身向現場觀眾說：「大家好，我係丁子高，多謝晒！」

　完騷後千嬅又於後台為丈夫舉行驚喜派對，令他喜出望外，他說：「老婆唱歌我估到，因為我之前聽到佢効屋企廁所哼歌，但係呢個就估唔到喇。」之後他先許願再即場切蛋糕，與全體工作人員一同慶祝。