 放大圖片
香港文匯報訊（記者 李思穎）張可頤(見圖)有份演出新劇《法證先鋒3》收視不俗，隨之而來便傳出不少負面新聞，有指在《天梯》一劇，她和陳茵媺爭戲份，又指她扮阿姐，被監製戚其義飛出拍攝劇集《金枝慾孽2》，可頤對此不置理會，並指得啖笑。
可頤昨日出席美容活動，對於《法證3》播出的首周平均收視達32點，成為今年劇集首播最高收視劇，可頤表示很感激觀眾支持，但不敢開心得太早，希望保持到好成績，但承認該劇帶來搵真銀機會，角色被觀眾受落。有傳可頤和陳茵媺在《天梯》爭戲份，可頤謂：「點會想爭氣，有人分擔仲好，對傳聞得啖笑，第一眼見到陳茵媺覺得她好可愛，同陳豪好夾，好有夫妻相，通常有劇推出便有新聞，當是幫手宣傳的娛樂新聞，(同陳茵媺幾好感情？) 點止好，非常好，大家都好多戲。」
至於有指可頤扮阿姐引來《金2》監製戚其義不滿，遂被飛出該劇，可頤謂：「點會呀，唔信係戚其義講，大家都見到我無停過，公司都知我檔期好密，所以只安排拍攝《呂后》節目巡禮，(想拍《金2》嗎？)未知明年係點，無論能否參與都會支持該劇，有信心這股強勢持續下去，(心目中有女人選嗎？)鍾嘉欣外貌純品，很適合做初入宮的宮女，陳法拉絕對靚女，徐子珊有性格，總之各有千秋。」
|
放大圖片
