 放大圖片
香港文匯報訊 謝婷婷(見圖)前晚佩戴值逾3000萬的鑽飾，配襯黑色低胸裝，力谷事業線為珠寶品牌簫邦位於中環的專門店開幕禮進行剪綵儀式。成層豪宅擺上身的婷婷，笑逐顏開的表示還是第一次戴如此靚的鑽石，更笑道：「真係好重，戴了上去覺得人都矜貴些，我行步路都溫柔咗！」
其男友安志杰(Andy)早前因洗碗不慎整傷手要入醫院縫針，婷婷指男友傷患未癒，隻手仍有腫，並有少少發炎。她指媽咪知道後好緊張叮囑Andy不要再傷另一隻手，因為隻手要留來保護她。問到Andy打機豈不是唔方便？婷婷笑說：「你哋唔好踢爆佢啦，係上電腦而已，都無咩事！」
現時與結婚無異
早前Andy曾表示如2012的世界末日不存在，就會在12月22日與婷婷結婚，對於男友開下婚期，婷婷甜笑的表示男友應先問准其父母：「佢梗要問了爹哋媽咪先啦，我同佢兩個咁friend！」問到她是否認定Andy是未來老公？她表示其實現時與結婚無異，又默認已認定Andy為未來老公。笑問男友要幾卡鑽戒求婚？婷婷謂大細無所謂，是講質量，他能送幾卡都得。
今年多位藝人懷有龍B，問到婷婷可會未婚先懷孕？她說：「唔抗拒有BB，雖然之前都有同Andy有共識唔想有住，但近期佢心態好似變了好似想生，不過我傳統些，都想結婚先。」
提到張栢芝早前偕同兒子Lucas往上海，Lucas在餐廳內四圍跑，看來不太聽話？婷婷指Lucas一向活躍，而頑皮某程度上亦可以說是聰明。
|
放大圖片
