 放大圖片
香港文匯報訊 (記者 梁靜儀)蔡卓妍(Sa)、鍾舒漫(見圖)、文詠珊(Janice Man)、JW及陳智燊，前晚出席尖沙咀手袋活動，阿Sa更獲大批fans撐場。
聖誕節將至，阿Sa卻稱習慣了要在節日工作，而男友陳偉霆(William) 亦有工作。問到會否提前慶祝？阿Sa說：「上次我生日party祖兒無來到，佢都話想叫公司搞個聚會。」問到準備了聖誕禮物未？她謂還未買，而且還有很多時間準備，不過很多同事都同叫她折現，畀錢讓他們自己選購禮物。
提到今年娛樂圈喜事重重，多位藝人趕生龍B，問到阿Sa可會成為其中一員？她笑謂：「未有咁快，調整好心態先，享受吓依家先，(要小心預防？)呢啲隨緣啦，許多時都係整定的，毫無準備咁就會有，如果個天畀我的話，我就一定會生！因為我都好鍾意小朋友，但就唔係咁快，都未有打算。」
文詠珊怕單身過節
文詠珊前晚戴上短假髮現身，被問到有傳其老闆娘樂基兒(Galie)有喜，她表示若傳聞屬實，也會恭喜Galie。但她說：「傳聞已傳了好耐，都由去年講到現在了，如果真係有了，當然會恭喜佢啦，(可有見過Galie？) Galie不在香港，我諗聖誕節會見到面！」
早前JM承認與拍拖多年的圈外男友分手，今年聖誕將要孤獨一人度過，她表示屆時將要為新片做宣傳，不過很久沒試過單身過節，她很怕一個人過節，所以會叫好多朋友一齊開party，就算朋友不得閒，她也會回公司找人陪。
JW被問到可有恭喜老闆娘樂基兒（Gaile）？她表示剛由外地返港，但認為懷孕係私人事，見到面至算。在英國讀書的她興奮地表示今年將會留港過聖誕，又讚香港很有氣氛，但倫敦就到處都減價。
|
放大圖片
