 放大圖片
香港文匯報訊 (記者 凡文) 古天樂與鄭秀文(Sammi)（見圖）為拍攝愛情片《高海拔之戀II》，特地遠赴海拔3,800米高之香格里拉拍攝近兩個月。Sammi指古仔一向都好有喜劇感，今次拍攝，古仔有幾個場口令她覺得非常好笑，Sammi笑著說：「有一幕係佢剛到香格里拉，未適應氣候搞到缺氧，搞到要打點滴。佢右手拎住個點滴、左手拎住支酒，呢個造型已經好好笑。再加埋佢成個冷面笑匠咁，搞到我唔知好嬲定好笑。」古仔就指其實他只是以茶代酒而已，直言因身處空氣稀薄的高海拔地區，不想身體真的出事。古仔還透露各人的動作及說話速度在當地亦變得較緩慢，笑謂：「杜Sir上到山，連鬧人都少咗，世界變得好和平。」
戲中亦有不少浪漫場景，當中一幕就是講述二人一起騎電單車。古仔則對騎電單車感到興奮：「可以在風光如畫的香格里拉駕駛電單車，我真係好有滿足感！我完全Feel到Sammi在我後面好high，係natural high。」但拍電單車的情景，難免令人想起Sammi跟華仔這對，但Sammi表示與華仔跟古仔坐電單車的感覺很不一樣：「當年坐華仔車尾，感覺梗係正啦！不過今次同古仔坐電單車，感覺係更好玩。可能因為在香格里拉，風景都靚些，所以印象係好深刻！」
|
放大圖片
