 放大圖片
香港文匯報訊 (記者 植植) 早前楊千嬅(左)與余文樂(右)為新片《春嬌與志明》拍攝賀年專輯，兩人更即席揮豪寫揮春應節。去年余文樂曾寫下「百發百中」預祝千嬅有喜，今年親證懷孕的千嬅即表示要回敬，笑指希望樂仔結婚加生子雙喜臨門。樂仔聞言即緊張地說：「你唔好寫住，你話我聽你想寫什麼？」千嬅即偷笑說：「我準備寫奉子成婚，你又過了30歲，你阿媽又一定好開心，又可以拿拿聲，一次過擺酒又慳錢，滿月一次過擺埋結婚酒係咪抵先？」樂仔聽到千嬅的「禮物」即時目瞪口呆，又說：「一聽到你咁講我就頭痛。」兩人之後即席揮豪，預祝新片承接上集氣勢大賣，樂仔寫下「三億票房」，他寫完後邊笑邊拿起揮春，令在場的電影公司工作人員都拍手大笑。而千嬅仍然未放過樂仔，打算將自己的福氣回贈，樂仔即摸著千嬅的肚皮說：「唔好學媽咪呀，佢曳呀。」最後千嬅寫下「春風得意」，又向樂仔說：「春風得意即係要乜有乜呀，男人最緊要呢啲呀。」
|
放大圖片
