 放大圖片
■歌迷向黃凱芹特意送上自製禮物，認真有心。
香港文匯報訊 (記者 梁靜儀) 黃凱芹(Chris)入加入樂壇25年，感情生活一直成謎，對於早年有周刊拍到他在家中湊仔，昨日Chris首度默認家庭生活愉快，但堅拒透露是否已婚及有多少個子女。
闊別紅館8年的Chris，將在3月24日至25日於紅館舉行兩場《黃凱芹True Colors25周年演唱會》，昨日他穿上紫色西裝出席記者會，獲大批歌迷到場支持，並送上禮物。他透露個唱上將與舊拍檔周慧敏合唱新歌《長痛不如短痛》。台上他自嘲是「非一般歌手」，他直言：「我唔識Do唔識做，莫話亞太男歌手，入行咁多年我啲歌連年度總選都無拎過，不過我開過好多不同類型的演唱會，我好欣慰，雖然條路難行啲，但托賴有我方法生存。」Chris自言不及一般歌手努力，不論與音樂有關或無關的活動都要出席，所以再次做唱片，他不是為拿獎或賣錢，只求有人欣賞他的音樂，不會給自己太大壓力。問到他可有留意樂壇？他即帶笑說︰「我知你哋問咩？好中肯，每個頒獎禮背後有一個制度，我無攞過，唔使看重及咁勞氣，將人哋當箭靶，有時攞獎可能係苦差，總之客觀放開懷抱去睇，遊戲規則係咁，唔好咁一面倒。」自由身的Chirs盛傳已簽約金牌大風？他解釋金牌大風只是負責幫他發行，唱片製作仍由自己的公司負責。
長居外地的Chris，年前被拍得在愉景灣的家中湊仔，一向感情生活成謎的他，被問到家事時，初時抗拒回應：「呢啲私人問題，私人事唔使同大家分享，我係一個人，我唔會和盤托出。」不過當再追問他時，他就笑道︰「為了滿足大家，我只可講家庭生活愉快，我唔想靠呢啲作為宣傳伎倆，不想焦點放在家庭上，我係音樂人，有啲嘢大家心知肚明，大家都已影到相，我有我底線。」
|
放大圖片
