 放大圖片
香港文匯報訊 (記者 凡文) 陳豪（見圖）昨日於海港城出席「情．尋朱古力」活動，與30位早前在網上選出的幸運兒透過手機，於大電視屏幕大玩互動遊戲。現場所見，陳豪玩遊戲時表現肉緊兼落力，陳豪事後笑言：「平時我最鍾意用手機或遊戲機打tennis，雖然唔係打真的tennis，但都好緊張、好刺激。剛剛連工作人員都大讚我玩得叻呀，仲笑我如果再唔畀佢哋捉到，個game就唔使完，咁又點分出勝負呢，叫我讓讓佢哋。不過原來同咁多人一齊打機好開心，頭先真係好好玩呀，佢哋一直追住我，想捉我，我就一直係咁走，係咁避，真係緊張到出晒汗。」
與陳茵媺提早慶祝情人節
陳豪大受現場觀眾歡迎，陳豪亦識做地大派朱古力給在場人士，實行與他們作近距離接觸。席間有位小粉絲收取朱古力後，即大讚說：「陳豪哥哥好靚仔。」氹得陳豪心花怒放。
此外，後日便是情人節，今年是陳豪與陳茵媺(Aimee)首年共度這佳節，可惜陳豪指他倆當天都有工作在身，未能一起甜蜜慶祝，但他仍甜絲絲地回應：「就算唔可以正日慶祝，希望都可以提早食飯慶祝啦，lunch都已經好滿足了！」問他準備了甚麼禮物給Aimee時，他即說：「秘密！」陳豪稱希望趁活動完結後的小小空檔，可以去shopping一下，挑選情人節禮物，並鬼馬地著傳媒不要跟著他，怕傳媒洩漏禮物秘密。
|
放大圖片
