 放大圖片
■阿Lynn首次與張震合作，大讚對方有型。
香港文匯報訊 (記者 李思穎、梁靜儀) 熊黛林(Lynn)日前出席活動時才自爆情人節收到鑽石吊墜，即晚其緋聞男友郭富城出席活動時卻連聲否認禮物是他所送，因而被指二人唔夾口供。
昨晚阿Lynn聯同台灣型男張震到中環出席TAG Heuer專門店開幕。阿Lynn被問到有報道指她與城城就送情人節禮物一事唔夾口供，阿Lynn即說：「唔想再回應佢嘅嘢，以後都唔想回應。」有別以往提到城城就笑逐顏開。她又說：「始終覺得自己好努力工作，希望你哋(指傳媒) 習慣唔好再講佢嘅嘢，要努力工作。」此話一出令人聯想到二人分手。一直默認是「城嫂」的阿Lynn，卻不認與城城拍拖，還睜大眼講大話：「我哋都無認過，點分手。(係唔係城城唔畀你講？)唔係呢啲，總之唔講佢嘅嘢。」
問到是否最近講多了，有人唔鍾意？她一臉委屈的傻笑。再問是否有人提醒你少講些？阿Lynn似是有口難言：「我唔知點講。(是否小美？) 唔知，我唔識佢，唔知佢諗法，我知佢係邊個，但無見過，唔可以幫佢回應。(城城有無唔鍾意? ) 都係唔好講。(你哋有共識少講些？) 唔係共識，朋友就係朋友，唔使講其他嘢，唔想再講。」似要與城城劃清界線。當問到她與城城是甚麼關係？她表示是朋友，又稱只想做回自己。被問到她現時的感情狀況？她只說：「未婚。(有無人追求？)而家乜都無。」似暗示「富黛戀」已告一段落。她又祝城城可以搵鍾意的人。問到可介意與城城一齊工作？她大方表示不介意。
張震冷對舒淇緋聞
另外，同場的張震表示之前與女友及家人，在農曆年去了日本滑雪。問到可有留意前緋聞女友舒淇與王力宏的緋聞？他冷淡的說：「無特別留意，好無聊，唔關我的事，對我無太大關係，如果朋友講會聽。」說到舒淇也是他的朋友？張震指他的關心是多餘，但身為朋友都想她一切好，也祝福她早日搵到男友，畢竟大家都已屆適婚年紀。問到他又何時結婚？他表示與女友拍拖一年，暫未計劃結婚。
|
放大圖片
