千嬅露背裙嚇窒樂仔

放大圖片

香港文匯報訊　(記者 植植) 楊千嬅(見圖)以一襲大露背黑色裙拍《春嬌與志明》，原來此場戲講述久未聯絡的春嬌與志明因早前在北京街上相遇，其後相約會面於西班牙餐廳。樂仔笑說他事前也沒有想像過千嬅的服裝：「我淨係覺得佢(春嬌)咁耐冇見舊情人，再約出來點都要著靚�齱I我有估過佢會唔會著低胸衫，但我就估佢唔到係著大露背來吸引我眼球囉！」千嬅則對自己這條私伙裙相當滿意，她謂：「劇組其實好好咁準備�鬫n多衫畀我，但我硬係覺得春嬌唔止係想咁樣，佢應該係想性感得來又唔係太刻意，又無謂露個心口出來陣間反而被比下去，所以我搵番自己條私伙裙出來，條裙是那時自己shopping時買，諗住大露背會適合�齱C果然，樂仔個反應證明我決定是對的！」

拍攝舊情人翻撻戲，樂仔同千嬅默契已經好好，演出可謂駕輕就熟，反而對他們來說，最易令他們分心的是桌上那些西班牙菜！其實拍攝前大家已經在餐廳吃過晚飯，豈料再點菜配合拍攝時，兩人仍是忍不住口，一停止拍攝便坐下來吃，別以為只有千嬅才貪吃，樂仔絕對不示弱，別忘了還有導演也是吃得之人，於是要勞煩劇組不停地點餐，以填補桌上經常極速消失的食物。