 放大圖片
■謝賢(左)和陳自強出席活動，非常風騷。
香港文匯報訊（記者 李思穎) 早前被傳患上重病的謝賢(四哥)，昨日精神奕奕出席其代言的健康產品活動，四哥更穿上無袖衫露出強健臂彎，又百無禁忌經常以「就死」掛在口邊，非常風騷。
四哥見到傳媒影相，便語帶相關說：「唔好用咁渣相機影到我有病，我都剛剛睇完醫生，就嚟死。(係咪好嬲？)黐線，多謝佢，報道出街後好多人問候我，還以為大家忘記我。之前落機幾多人影我，反而好嬲有報道幫我澄清，因想以暗病籌錢，現在被斷財路。(身體係咪無問題？)黐線啦。(有否定期做身體檢查？)十年無做啦。(之前影到好瘦？)現時的機器科技好犀利，可以靚可以醜，最佳狀態出現都無用。」對於四哥被影到在街市買補品，他解釋是買花膠和海參弄給霆鋒補筋骨，因他拍戲經常由十多樓躍下。
早前霆鋒豪擲幾百萬請員工去旅行，四哥都有同行，問到有否艷遇，他笑笑說：「黐線，少少都無，全個島幾十間房都包清，沒有其他人。阿仔(霆鋒)都無著落？佢都做咗人老豆邊有著落。」問到會否幫霆鋒撮合姻緣？四哥笑說：「如果這些都要老豆出面佢就執笠啦，仲可以做謝霆鋒？」至於藝人在屋內被偷拍問題，四哥不擔心說：「我屋企用黑簾，一定影不到我，況且我好有經驗，他們經驗不足。」
黃日華呻沒物業在手
黃日華加入王維基旗下城市電訊，將於8月正式開工拍攝一部時裝偵探劇，共20集。問到他女兒黃芷晴是否也簽約王維基旗下？華哥透露前晚「城電」有個聚會，原先帶同女兒初次見王維基，可惜到場後對方已走了，暫時未有機會見到。若然兩父女一起拍劇，華哥表示沒所謂，可以照應女兒。
說到聚會當晚，華哥透露有百多個演員，但不能透露出來，有指姜文杰出席「城電」活動被無綫雪藏，前車可鑑？他表示：「我估係，當晚除有長輩級藝人，也見到好多在無綫工作幾年的新人，相信大家在新環境工作下，會有更大衝勁。(現場熱鬧過無綫台慶？)無咁犀利。」有說「城電」要靠華哥這類知名藝人撐著，他不敢當說：「我都踏出江湖半隻腳。(搵夠？)唔係，要繼續搵，希望買樓，因現在沒有物業在手，幾年前最低價時放了。(希望買幾千萬豪宅？)一、二千萬都辛苦啦，其實夠用住得舒服便可以。」
|
放大圖片
