 放大圖片
香港文匯報訊 宣萱(圖右)日前首次現身有線電視接受訪問，從入行經歷，談到感情生活，無所不談。宣萱透露因為最怕上鏡而從沒想過投身娛樂圈，怎料無心插柳就進了電視台工作，更做了18年。
亮相有線緊張失眠
談到過去18年在無綫的難忘事，宣萱回憶道：「好難忘和很多前輩合作，記得第一日拍劇就係同方中信拍，佢係我偶像，第一日拍戲就要攬住佢，我成個人硬晒『軚』」宣萱亦同意無綫「樹大好遮蔭」，那麼宣萱為甚麼要選擇離開？宣萱表示：「好似拍拖咁，你感覺到兩個人愈漂愈遠，就係時候要分手啦。」提到宣萱當年修讀工程系，她即有點難為情地說：「我讀Engineering（工程）因為初戀男友都係讀工程，所以我又跟住讀。」
當年曾與張衛健拍過拖的宣萱，坦承當時自己的事業較男方好，導致雙方有磨擦，最終分手收場。宣萱表示：「我同佢拍拖時，佢事業唔穩定，我又剛剛上緊；我覺得佢係個正常男人，期望自己事業叻過女朋友。」
受訪時，宣萱還大方公開自己已41歲，更揚言已過了「恨嫁」的階段，慨嘆很難找到合適的結婚對象，所以感情事隨緣，現反而望放多些時間與朋友相處。
首次亮相有線，宣萱自爆緊張致失眠：「我平時瞓成7、8個鐘，但係噚晚只係瞓到3個鐘，可能因為我有些緊張，又要搵定靚衫，因為我要隆重其事。」
|
放大圖片
