 放大圖片
■郭少芸首次近距離見四哥，大讚對方有型。
香港文匯報訊 (記者 梁靜儀) 謝賢(四哥)昨日與郭少芸一起拍攝補腎產品廣告，已第4年出任代言人的四哥十分專業地預備了8套服裝作拍攝之用。至於酬金，他笑言講錢失感情。四哥被問到可有給兒子霆鋒服食該產品？他笑道：「個仔唔使食，我呢個年紀就要食。」
自言現心境變得年青的四哥被問到會否想找個更年青的女友？四哥肉麻地向女友CoCo派定心丸說：「我同CoCo拍拖8年，呢個最年輕，唔搵了。(很多男人也愛o靚模？)o靚模無感情，玩吓啫，我哋這些唔玩得，無出來呢個社會玩好耐，無蒲好耐，墮咗落海底。」
近日無綫節目《盛女愛作戰》的人生導師Santino的45度角被抨擊，問到閱女無數的四哥可知對方是誰？四哥反問：「邊個咁有本事教？咁唔得，咁無禮貌，無風度，要直望正面望，大大方方，睇咪睇囉。(會否傳授追女技巧？)我追女最渣，呢生人得幾個，都嫁晒。(啲女追你？)追我有用咩？真人又老，錢又無，不過心地好。」問到四哥會否再婚及生仔？他抗拒地說不好。
四哥認同人不風流枉少年
談到其兒子霆鋒最近與內地女星楊冪傳出緋聞，四哥認為人不風流枉少年，難道像他年紀大至風流嗎？他又說：「男人風流不緊要，唔好下流。」四哥又笑指與霆鋒認識但不熟，尤其是對方的私生活。
四哥稱也有去探兩個孫，至於栢芝就很忙，他說：「敏感時候唔使見，心照就得，到現時都咁錫佢。(可想二人復合？)你哋話啫，唔可講將來的事，緣份的事他們決定，依家分開好融洽。同我離婚一樣，為了兩個小朋友，唔做夫妻都可以做朋友，你睇我同阿拉(前妻狄波拉)，friend過打band。」
入行多年，少芸表示還是首次近距離見四哥，大讚四哥又型又正。近日盛女風吹得正盛，屬於盛女的少芸，笑言很忙沒時間拍拖，但也有追求者，不過她也不介意做盛女。問到可有男士為追求她而借故光顧她的餐廳？少芸自讚說：「好多單身男士來食飯，見到我勤力，娶返去都幾好。」
|
放大圖片
