 放大圖片
香港文匯報訊（記者 植植）現主攻內地筍盤的趙碩之（Wylie）(見圖)早前亮相《行運秘笈》任壓軸嘉賓，專程搵風水玄學師傅楊天命為她算命格、看掌相。主持劉明軒形容Wylie性格很男仔頭，Wylie自爆只會對男友展現溫柔一面；又坦言怕被欺負所以才以藝名入行。年紀輕輕的Wylie原來已是投資專家，現在主攻內地筍盤，每次買「磚頭」都會問媽咪意見。劉明軒大讚Wylie甫出道已買樓，甚有投資眼光。Wylie表示：「唔可以將啲錢齋放在屋企，投資時都會問媽咪意見，現在主要投資內地的房地產。」楊師傅指Wylie會行廿年財運，又大讚她是聰明女：「Wylie的八字財旺，適合買實物置富，所以投資物業較投資股票好。Wylie條命會有好多樓，結婚後另一半又會送樓畀妳，所以唔使憂。Wylie26歲後會行廿年財運，妳的八字好好，唔使點做都搵到好多錢，因為妳是一個好聰明的女仔。」Wylie獲楊師傅大讚是聰明女，即笑不攏嘴，又鬼馬地說：「口殊！唔好畀人知。」但當師傅質疑Wylie可能會扮蠢掩飾自己的聰明時，Wylie 則反擊：「無扮蠢，只是覺得唔可以畀人知自己聰明。」
劉明軒形容Wylie性格很男仔頭，為人直率。楊師傅則坦言：「Wylie覺得自己太溫柔會畀人『蝦』，所以先以男仔頭的性格示人。」Wylie則自爆自己對著男朋友才會展現溫柔的一面：「我原本個名（趙蔚欣）真係幾女仔，因為怕畀人『蝦』，所以改藝名才入行；但我除非對著男朋友，否則好少好少表現得好溫柔。」
|
放大圖片
