 放大圖片
香港文匯報訊 (記者 凡文) 母親節將至，陳嘉桓(Rose)(圖左)早前接受有線訪問時，就特地到街市買菜，親手炮製兩道美食給媽媽Ronnie(圖右)品嚐，預祝媽媽母親節快樂，難怪令Ronnie大感心甜。Rose揀選食材時也滿有心思：「我揀買蜆除了因為媽咪鍾意食之外，仲因為蜆煮熟後蜆殼會自動張開，給人一種笑意盈盈的感覺，我想媽咪日日都開開心心。」但Ronnie就取笑Rose下廚時雞手鴨腳。
當日Ronnie大爆自己在Rose讀初中時已對她嚴加管教，她自言：「唔係好畀Rose同同學出街，出夜街就一定唔得。而且要Rose報告行蹤，話畀我知幾點返屋企、同邊個同學去街，同學電話係幾多號，到咁上下佢仲未返屋我就會打『奪命追魂call』搵佢。」而Rose就表示母親的做法令她學會做事要有交帶，所以現在她去哪裡都會影相告訴媽媽。
早前Rose在橫店工作時曾發生不愉快事件，Ronnie眼泛淚光表示：「看到那些報道就喊，覺得好心痛，覺得佢（Rose）好蠢，唔識得保護自己。諗到要企出來交代，成個人震晒，那一刻好驚，我比佢承受更大壓力。我當時瘦了好多，好多人見到我就話我個樣落晒型。後來我陪佢一齊返橫店繼續工作，在酒店我見到佢喊，自己又喊，結果大家攬住一齊喊。」Rose亦指眼見媽媽為她早前在橫店發生的不愉快事件及極力保護自己而消瘦不少，事發後又陪她到橫店工作全力保護她，令她感自責。
|
放大圖片
