 放大圖片
■蘇永康於台上與歌迷玩遊戲。
香港文匯報訊 (記者 植植) 由蘇永康與香港業餘管弦樂團合作的慈善音樂會「蘇永康弦愛交響夜」將於8月10~11日於香港伊利沙伯體育館舉行。「阿公」蘇永康昨日出席記者會，其間除宣佈捐出自己全部歌酬外，又指門票尚未公開發售就已賣出八成，更稱希望每年都舉辦慈善活動行善。
「阿公」蘇永康多年前起就已成立永康國際基金行善，下月又會與香港業餘管弦樂團合作舉辦「蘇永康弦愛交響夜」，阿公又請得許志安、梁漢文、林保怡和謝安琪任嘉賓。阿公昨日高興地說：「暫時為止已經有六十幾萬善款，除咗我自己的50萬歌酬之外，仲好多謝老闆林建岳同佢千金。其實門票7月3日先公開發售，不過門票已經賣咗8成，最可惜就係沒辦法加場。」
助更新人士
多年前已於湖南捐款興建學校的他又說：「今次再起呢間第四間喇，之前就十幾萬人民幣一間，而家已經要三十幾萬。至於剩低嘅錢就會同懲教署合作，幫助吓更新人士，大家都知我自己本身都係一個更新人士吖嘛。」
阿公於台上與歌迷玩遊戲之餘，又笑指佈景上的相修飾得十分完美，他說：「現在的電腦科技真係高，他日我百年歸老之後，用呢張死人頭相來放在車頭都唔錯。」
力斥網民「唔化」
提到全城哄動的「龍兒戀」，一眾傳媒又問到蘇永康對好友劉浩龍（師兄）被網友圍插一事，他回應說：「我知好多網民都有回應，我只會話網民都『唔化』，是否每一段剛剛萌芽的愛情都搞到焦頭爛額先開心呢？我對這些人好鄙視，正一憎人富貴厭人貧，大家唔滿意就鬧我。我會送上無限祝福，希望網民冷靜及反省。師兄努力咗咁多年，而家新劇做男主角，大家應該鼓勵，我相信佢成熟都有自己思維，我無限祝福佢！」
|
放大圖片
