 放大圖片
香港文匯報訊（記者 凡文）姜大衛(圖左)日前亮相有線節目《星級會客室》，暢談往事。童星出身的姜大衛，長大後獲哥哥秦沛穿針引線，開始做龍虎武師，加入邵氏後幸獲賞識，由武師轉型為演員。姜大衛說：「我本來冇咩野心，後來張徹導演找我做演員，我都考慮了很耐，原本做武師一個月搵4千至5千元，但做演員開始時只得970元。不過成世人最叻的決定都係呢次了！我同自己講，如果繼續做呢行就一定要好似老竇咁紅。」姜大衛又自嘲以前對理財毫無概念：「我以前完全唔知有銀行，每日出糧就放堆銀紙落屋企櫃桶，鎖都唔鎖。放假就打開櫃桶拎錢出去飲飲食食，唔識儲錢。到結婚之後先開始識得理財。」 姜大衛在1991年放棄演藝事業，舉家移民加拿大，他透露，主要原因是決定陪女兒過去溫哥華升讀大學，又不想做「太空人」周圍飛，索性退休移民。但姜大衛苦笑道：「個女去美國讀書後，張徹導演找我回去拍劇又不能推，卒之都係要幾個地方飛來飛去。」問姜大衛是否真的想退休？他直認不想，坦言：「緊係想做落去啦，當時我先四十幾歲，仲好大戲癮。」並稱十分懷念在邵氏拍戲的日子。回流香港幾年，姜大衛今年簽約新電視台，他謙虛地說：「我個人冇乜叻，係幾好運同幾勤力，每一個角色我都好畀心機研究，就算再做大俠都要每次有變化畀觀眾睇。」
|
放大圖片
