 放大圖片
■朱慧敏、羅天宇亦被問及感情事。
香港文匯報訊 (記者 梁靜儀) 朱慧敏、羅天宇、黎諾懿、劉丹、郭少芸、蔣家旻、林漪娸及馬蹄露等一班《愛．回家》演員，昨日到新生精神康復會出席「發放夏日正能量」活動，與該會會友大玩遊戲，其中以朱慧敏、林漪娸及馬蹄露跳舞跳得最落力。
昨日有報道指前女友苟芸慧(苟姑娘)秘住羅天宇的西貢屋，又指他要媽咪幫手「箍煲」。羅天宇否認二人復合，又澄清苟姑娘沒有秘住他的西貢屋，他說： 「分開咗，媽咪一直都當對方如女兒般照顧，苟姑娘仍叫媽咪做契媽，有時也會見面，但我都不在場，而苟姑娘不是住喺西貢度，而我亦不是同媽咪一齊住。」他又謂與苟姑娘分手後沒有見面，大家只靠短訊聯絡，又強調現時沒有拍拖，以工作為重。問他又可知苟姑娘有沒有拍拖？他說：「她應該都無。(可有機會復合？ )將來事唔知。」
經常幫襯Eddie糖水店
另外，朱慧敏自與台灣男友甩拖後，盛傳戀上EO2成員之一的Eddie，二人更多次被拍得單獨約會；有指因她拍拖高調被公司照肺。昨日朱慧敏回應傳聞時否認被公司「照肺」之餘，更否認與Eddie拍拖，她說：「我同Eddie仲係單身，畀個機會我哋啦。」她又聲稱公司沒有不准她拍拖，只要是正常健康的交往就可以。曾表示拍拖也不會承認的她，坦言因上次拍拖受到傳媒壓力，最後終分開，所以會盡量避免(公開)。問到是否結婚才公開？她笑道：「講到咁遠，多謝你既祝福。」有報道指Eddie買花向她求婚？朱慧敏笑指報道得啖笑，並解釋當日是自己買花給自己，還是荷花。
對於她經常被拍到去男方的糖水店，儼如老闆娘？她笑道：「我去幫襯啫，有畀錢同貼士添，朋友做生意唔可以唔畀錢。(你是幕後老闆娘？)千祈唔好咁講，好尷尬，因為糖水舖仲有其他股東。」
|
放大圖片
