 放大圖片
■吳雨霏載歌載舞掀起當日活動高潮。
香港文匯報訊（記者 李思穎）李克勤前晚與一班歌手出席「太陽計劃2012展翅青見夢飛行」，被封「太陽Daddy」的他說：「我當年參加呢個活動時都冇『太陽大使』，依家我就變埋『太陽Daddy』。」對於有傳曾志偉找紅星拍劇幫TVB救亡，克勤說：「我沒所謂，但我唔信TVB要救亡，因為成日聽到TVB要搞慶功，不過我而家係爸爸身份，唔可以拍劇拍到咁夜。」又爆當年拍劇時只得六千元酬勞。
陳偉霆拒搵阿Sa陪做運動
鄭欣宜則否認因身形暴脹而遭張玉珊旗下的纖體公司撤換，她說：「我之前因為聲帶不適要食類固醇，又返了加拿大放縱，所以肥了不少，但我稍後仍會跟張玉珊合作，希望明年暑假前減磅成功。」
而衛蘭被問妹妹衛詩的婚訊時，透露妹妹仍未定下結婚日期，又爆母親會送車賀妹妹結婚。
吳雨霏（Kary）被問到可知好姊妹鄧麗欣（Stephy）和男友方力申傳離婚，她說：「這件事好好笑，成班姊妹都打電話畀Stephy圍攻佢，笑佢離婚都唔出聲。」Kary又指Stephy不會秘婚，如果結婚一定會公開。她又估計最早出嫁的姊妹，應該是和老外男友熱戀中的區文詩。
另外，露出一雙麒麟臂的陳偉霆自爆最近積極健身，他說：「我一日食五餐，又舉啞鈴，因為稍後要拍電影。（女友蔡卓妍可有陪做運動？）我唔會同佢一齊做運動，因為我做運動時會大叫同掟啞鈴。」
|
放大圖片
