 放大圖片
■伊健台上大唱情歌，蒙嘉慧冧到爆，望實男友。
——「古惑仔」齊腳 個唱催婚
香港文匯報訊（記者 李思穎）鄭伊健一連四場《Light andShadow演唱會》前晚順利結束，《古惑仔》一眾兄弟難得全部齊人聚首一堂，令全場掀起高潮。向來不願提感情事的伊健，儘管在兄弟們同台迫問婚期，伊健依然守口如瓶，最後他在慶功宴上承認明年會低調迎娶女友蒙嘉慧，只是婚期地點一律保密，但伊健坦言到時雙喜臨門也不錯。
當晚捧場有伊健女友蒙嘉慧、準「錢太」湯盈盈、陳志雲、葛文輝及導演劉偉強等。全晚觀眾席上傳來「結婚」之聲此起彼落，特別是伊健公開鳴謝女友時，現場反應更激烈，紛紛大嚷「結婚求婚」，伊健沒奈何說：「唔好大叫喇，佢坐葱邊度我都唔知，算喇，唔好搵佢，大家冷靜些……點解要多謝女友？因為除了拍拖之外，佢仲會好嚴謹咁問我做得夠唔夠好，所以呢個演唱會先會咁好睇。」
事實上快將做新郎哥的錢嘉樂也不時被玩，當被拍檔林曉峰（阿Lo）取笑要來賺水腳，嘉樂承認說：「無計，現在唔係一個人、有大有細。」台下的湯盈盈笑得很甜，阿Lo便叫全場一起恭喜兩人。
「古惑仔」拉埋導演上台
接著第三晚露過面的陳小春，前晚帶同朱永棠一同現身，令「古惑仔」齊腳，小春更即時拉埋台下的《古惑仔》導演劉偉強上台一起合唱，劉在台上說：「其實部戲已經17年，但好多人叫我再拍《古惑仔》。」劉導演笑說來年有機會開《古惑仔》演唱會，小春問對方是否喝完酒來的。
一眾兄弟繼續向伊健迫問婚期，錢嘉樂說：「之前你答應話27號（前晚）一定要講」，伊健反說：「係呀，講你結婚。」小春加入「戰團」：「等我講，你唔好嬲，我哋畀掌聲，有請蒙嘉慧！」全場歡呼聲不絕，一臉尷尬的伊健揮手叫停，小春仍不罷休：「那麼請蒙嘉慧的父母上台。」伊健有點手足無措說：「我自己講得喇，多謝！」
個唱拒講婚期 全場勁噓
伊健隨即送走眾人，但陳小春下台前還大叫：「畀埋名份人哋呀！」伊健認真續說：「我好尊重舞台，為了大家，我會盡量去做。但我跟女友嘅事係好私人嘅事，我唔鍾意攤開晒畀大家睇，我承認我係一個好浪漫的人，唔係點唱情歌畀大家聽呢？」，豈料全場竟以噓聲回應，就在此際，古巨基神秘現身演繹《友共情》，伊健一臉驚愕，基仔謂：「伊健完全唔知我會來，中午林珊珊和錢國偉叫我來畀個驚喜伊健，說伊健今晚會宣佈請我去飲……」伊健傻笑不懂回應，基仔續說：「請我去飲慶功宴。」基仔說不會叫伊健結婚，伊健則反嘲基仔：「你都唔鍾意提嘛！」
羨慕嘉樂 望雙喜臨門
慶功宴上，問他在一班老友出手下也不肯求婚？伊健稱：「真係好私人嘅事，大家無需關心我，總之未結婚，結了會講給大家知，亦不會是今年嘅事。(明年結婚？)係，但唔會講時間和地點，(學錢嘉樂奉子成婚雙喜臨門？)都幾好，但這些係私人事，但估不到班兄弟會咁跣我。」伊健稱沒料到當晚朱永棠會上台，也很希望可以舉行古惑仔音樂會。
|
放大圖片
