 放大圖片
香港文匯報訊（記者 凡文）黃百鳴（見圖）日前亮相有線節目《還看當年II》，他曾任多部經典賀歲喜劇的導演及編劇，其中《最佳拍檔》更成為開埠以來最賣座的電影，成為一時佳話。黃百鳴表示許冠傑在戲中飾演身手不凡的神偷，其實最初原想找周潤發出演，豈料遭發哥推卻。黃百鳴後來找當時橫掃電影票房冠軍的許冠傑頂上，並難忘與許冠傑談劇本時，對方聽到「嗒晒糖」，黃百鳴笑說：「我搵許冠傑傾劇本，佢那時拎住一甖方糖，一路聽一路擺粒方糖入口『嗒糖』。佢聽我講完成個劇本後，真係『嗒晒糖』，好鍾意個故事。」結果許冠傑演出時「搏晒老命」，親身在5層樓高的半空踩鋼線，難怪雖然許冠傑要求高片酬，但黃百鳴仍稱「物有所值」。
揭星爺接戲要求多
而黃百鳴其後找來周星馳、張國榮（哥哥）、吳君如及張曼玉等影視紅人拍賀歲片《家有囍事》，他又揭當時剛在影壇冒起的周星馳「獅子開大口」，要求8百萬片酬，黃百鳴表示：「佢性格係咁，邊個搵親佢都『獅子開大口』。無奈我搵唔到更好人選，所以佢『獅子開大口』都照畀佢。點知佢後來又話唔肯做劇中涼型角色，搞到我好『頭痕』；幸好當時哥哥突然提出要求，指明要演涼型角色，仲話要與舊情人毛舜筠在戲中演情侶，希望跟毛舜筠擦出新火花。」
此外，黃百鳴大讚哥哥氹張曼玉有一手，他笑說：「張曼玉在戲中有一幕要著那件衫胸口有兩個大雪糕筒，佢唔肯著，導演都搞佢唔掂；喜劇入面一啲誇張嘅情節佢又唔願做，但最後竟然畀哥哥氹掂佢，一有哥哥喺度，佢咩都肯做，哥哥喺現場係有鎮場作用。」
|
放大圖片
