 放大圖片
香港文匯報訊（記者 凡文）導演張婉婷(見圖)早前擔任有線節目《還看當年II》嘉賓，細訴當年拍攝電影《秋天的童話》背後鮮為人知的故事。《秋天的童話》可謂是香港文藝電影的代表作，但張婉婷表示開拍《秋天的童話》時，從找投資者至選角都困難重重，她說：「80年代，觀眾習慣看笑片，大家一聽到『童話』就好迷茫，我搵勻晒所有電影公司都無人肯投資。最後我嘗試問岑建勳，點知佢未睇晒個劇本已經覺得好睇，即刻打電話畀我哋簽約。佢都估唔到我哋之前咁慘。」
女主角方面，張婉婷原屬意找張曼玉演十三妹，但因她要拍另一部戲而未能參演。後來她提議用鍾楚紅，讚揚鍾楚紅很用心做好角色，努力鑽研演技，張婉婷說：「啲款式的衫她(鍾楚紅)都肯著，決心洗脫『花瓶』的形象。」男主角周潤發在電影開拍前因《英雄本色》一片人氣急升，他們亦未與發哥簽約，令張婉婷一度擔心發哥臨時拒拍。
發哥十分講義氣
幸好發哥十分講義氣，讓張婉婷大感安慰：「劇組臨出發去紐約之前，我戰戰兢兢咁打電話畀發哥，點知佢好爽快咁話『我應承得你我就一定會來，放心啦！』」張婉婷又透露拍攝最後那場狂奔追車搵十三妹的戲時，差點激怒發哥：「我當時仲係導演新丁，唔係好識同演員溝通，又要拍好多個不同角度，結果搞到發哥不停跑了十幾日，出晒名好人的發哥都忍唔住講：『導演，我來到之後每日都係咁跑！咁唔掂喎！』我諗我應該激到佢死死下！」
|
放大圖片
