前塵往事戀愛大過天 陳雅倫曾為愛捨事業

放大圖片

　香港文匯報訊（記者 凡文）陳雅倫（Ellen）（圖右）早前亮相有線娛樂新聞台《星級會客室》，接受汪曼玲（圖左）專訪。Ellen甫與汪曼玲見面，即送上自己當年銷量達十萬本的性感寫真集，並坦言對此感到「好自豪」，並認為女仔青春有限，當年拍畢其首部三級片《危情》後，Ellen就豁出去付諸實行，親自構思，找來攝影師及美術指導遠赴巴塞隆拿拍下性感寫真。Ellen又表示當初接拍三級片，是希望一炮而紅：「90年代見到卿卿 (葉玉卿) 好成功，發覺原來拍三級片係得；同期好友李麗珍都有拍，我都想博一博希望可以彈出。」問Ellen覺得自己是否成功？Ellen表示：「我只係拍過一部三級片，無三級片就唔會有寫真集，也不會有之後推出的唱片及佳績。」

　就在她的事業越戰越勇之際，Ellen未幾就與音樂人黃尚偉拍拖，更為「最愛」放棄事業，她說：「細個時拍戲一做就做女主角，根本唔知機會係要珍惜，一拍拖就不顧事業，為佢放棄了好多工作同機會。晶哥（王晶）當時有好多戲想搵我拍，但覺得我顧住拍拖，並非專注在事業上，所以無搵我。又試過有次拍緊部戲，男朋友飛�鬙h第二度，我唔理部戲，粒聲唔出就跟埋佢飛，咩通告都唔接，惹怒了公司及經理人。」

　兩人拍拖11年，也曾想過結婚，但Ellen表示：「佢有講過話要結婚，但我覺得好難。因為佢�灡a人咁多年一直都反對，我就算堅持一齊都好困難，好痛苦又好委屈，過時過節，全部人都可以去佢屋企玩、開party，唯獨我唔得。」拖拉多年，結果Ellen被其兄罵醒，終向男友提出分手。當年白白錯失不少機會，現在才在事業上再衝刺，但Ellen仍自信地表示不同年紀有不同味道及機會。