 放大圖片
香港文匯報訊（記者 李思穎）「潮媽」陳慧琳(Kelly)（見圖）巳有一段日子沒有出碟，近日正忙於為新碟埋尾，希望年底可以推出，Kelly這張新碟由誕下「小籠包」前已開始籌備，遲遲仍未面世，笑言「搞歌耐過搞人」。Kelly昨日為王賢誌主持的now台節目做訪問，她不怕因此而開罪無綫，因與無綫沒有合約，已經獨立多時。今次她會在節目上大談時裝經，Kelly透露：「已入了一些新季衫，反而童裝便一早入好貨，現時買童裝更瘋狂，特別是大仔蝦餃仔剛出世時，大量入貨，現在細佬「小龍包」可以著哥哥的衫。」Kelly又大爆蝦餃仔很貪靚，會自己揀衫著，又記得著過那件衫。幸而蝦餃仔不會扭計要求亂買東西，反而會話屋企已經有，小小年紀便懂得慳家。由於「小龍包」年紀尚細，未懂得跟哥哥爭玩具，哥哥亦不會欺負細佬，最驚是見到細佬喊。 Kelly表示今個萬聖節為蝦餃仔扮成反斗車王的車手，他很喜歡這個造型，昨日仍著住這套衫，已經幾日無洗，細佬就著回哥哥上年的舊衫，都已經洗到霉了。
弄兒為樂的Kelly已甚少亮相音樂節目，她是否不理樂壇？Kelly稱：「都有理，最近忙著錄歌，這張碟搞了很耐，由「小龍包」未出世到生了，真是搞碟耐過搞人，因為隻碟要太多人一切搞，需要夾時間，現時尚欠三、四首歌未錄，希望能夠在年底推出。(會唔會生完第三個都未出到碟？)希望隻碟快些，(不再留意音樂頒獎禮？)唔會唔留意，都會睇下。(會否參與？)我都無新歌。(現身捧場？)唔需要。(可以做頒獎嘉賓？)交由鍾珍去想，其實睇電視更剌激，又可以睇報紙。」
|
放大圖片
