 放大圖片
香港文匯報訊 陳淑蘭(蘭子)(圖左)早前亮相有線《星級會客室》，接受主持周美鳳專訪，大談自己參加選美的因由，以及與方中信的一段情等。
蘭子曾發展過多段戀情，其中與方中信的一段四年情最令人印象深刻。蘭子更曾提及過這段感情未能開花結果是因為有第三者介入。周美鳳佩服蘭子與幾位前度男友能夠再見亦是朋友，蘭子笑言全因自己揀男人有一手：「我覺得係我好彩！以前的人覺得我係傻大姐，其實我唔係傻，我揀好男人有一手，所以就算做唔成夫妻都可以做朋友，可以交心，唔會互相背叛。好似祈文傑咁，他的確好好，但大家真係無緣份，點解分手就唔可以做朋友呢？他們都係好好的人，(唔做朋友)係我的損失。」
周美鳳則認為與舊情人能否再見亦是朋友視乎大家是否和平分開，被「小三」介入拆散戀情的通常很難再做朋友，蘭子聞言即哈哈大笑說：「所以我同方中信唔係咁老友。」她隨即又話：「有樣好處，日後有事急call佢，佢一定會來幫手，好似我以前處女下海在電台開咪，要搵個好勁的嘉賓，但我又唔鍾意求人，就奉旨搵佢來撐場。佢二話不說就應承，佢係一個非常有義氣的人。」
她又自爆有段時間想結婚是因為怕被標籤做「剩女」，說道：「我幾十歲人，慣了獨居，好享受自由自在的感覺。但想結婚係因為那時人人都話我係『剩女』，所以想搵番個男人封住人把口，但自從信主後就開竅，唔再將男人當做水泡，而係要搵一個我愛的男人。」
|
放大圖片
