 放大圖片
香港文匯報訊 蔣怡（CoCo）為有線主持旅遊節目《快樂地球》，暢遊馬來西亞，深入阿曼島品嚐海鮮大餐。CoCo一登島，就馬上嚷著要檔主為她「淘蝦」。之後她見檔主網獲大大隻的瀨尿蝦，就急不及待要據為己有。她猛力𡐖著蝦尾將瀨尿蝦從魚網中抽出，怎料瀨尿蝦鬼咁生猛，輕輕一縮「大反擊」，美食教主CoCo的手掌就中伏，慘遭瀨尿蝦又尖又長的鉗「拮」傷，鮮血直流。CoCo事後苦言：「我真係未見過手臂咁長的瀨尿蝦，見佢咁大隻忍唔住想快些拿入廚房炮製海鮮餐，結果因為太為食惹禍。我諗我係第一次為旅遊節目上演流血真人騷，食呢隻肥美的瀨尿蝦真係有血有淚。好彩只係「拮」親隻手，無刮傷塊面！檔主覺得累到我受傷已經好內疚，佢好細心咁幫我止血同消毒，不斷同我講對唔住，仲話捉返隻大大隻的蝦蟹畀我作補償同洩忿，所以我都無怪佢。」CoCo嘗過被瀨尿蝦「拮」傷手的皮血之苦後，明顯見過鬼怕黑，檔主再網獲瀨尿蝦時，CoCo只敢遠距離與瀨尿蝦合照，全程眼看手勿動，以免再被瀨尿蝦「偷襲」。檔主還不時拎住瀨尿蝦嚇CoCo，搞到她在船上咿嘩鬼叫。敷治過後，CoCo「食」字當頭，繼續大「擦」海鮮大餐作補償。
|
放大圖片
