 放大圖片
■鄭伊健被「小伊健」的甜言蜜語氹得心花怒放。
香港文匯報訊 (記者 李思穎) 鄭伊健昨日以「亞洲遊戲展2012」大使身份，到鑽石山為下月21至24日在會展舉行的遊戲展舉行開幕禮，伊健手持長劍以威風凜凜造形現身，大會並安排一名男童化身「小伊健」跟伊健大鬥玩遊戲，該男童更見到伊健即賣口乖大笠高帽，不停讚伊健靚仔，又說他有個好靚的女朋友，伊健反駁笑問：「你知我女朋友係邊個？」豈料該男孩快而準說：「Yoyo。」即時令伊健無力招駕只識傻笑。
遊戲機發燒友的伊健，早前忙著應付演唱會要停玩一輪，故近日稍有空閒便與女友大量購入新game，準備在聖誕玩個痛快。有說當遊戲展大使的他更有藉口打機，伊健得意洋洋地謂：「入行時經常打機，大家會話『好心你啦，仲打機幾多歲呀？』，只是當時大家未接受這新潮想法，現在連手機都可以打機。要我做遊戲大使，我一定會做，以前都有在其他地方做過，這個便是首次，感覺很開心。」
伊健愛去林珊珊家食大餐
伊健在聖誕節會有一些工作，但都可以跟女友一起打機，問到會否撐枱腳？他說：「一定會，通常聖誕日子出外吃飯離不開是聖誕大餐，所以在家吃更好，但我不懂。(女友整？)佢都麻麻哋，最好去林珊珊屋企，她有個烹飪了得的男友。」
錢嘉樂在金馬獎奪得「最佳動作設計獎」，伊健收到消息後，已第一時間恭喜嘉樂，伊健謂：「好開心，腳頭好。(結婚定生BB？)整件事都好。」問他會否羨慕嘉樂腳頭好？他表示：「我都好，見我咁開心，人要知足，嘉樂亦非不好，係現在特別好。(你都可以學佢結婚生仔！)咁樣你哋較開心，又多嘢寫，總之我現時好開心。」
早前在嘉樂婚前的私人派對上，有人把相片流出成為雜誌封面，伊健笑謂：「今次再約個所謂秘密聚會。(已搵出上次放相的真兇？)唔再講了。(今次聚會更謹慎，嚴禁拍照？)唔會，一班大細路出去食飯機會好難得。」
|
放大圖片
