 放大圖片
香港文匯報訊 陳法蓉(Monica)(圖右)最近亮相有線娛樂新聞台節目《星級會客室》，接受好友周美鳳專訪。Monica在訪問中憶述起已故好友羅慧娟時，不禁落淚飲泣，她又分享對婚姻和浪漫愛情的憧憬。
Monica自認性格內向，但慶幸身邊不乏女性好友。「我個人唔會主動出去識朋友，但我成日覺得我係月亮，好彩身邊有好多太陽。羅慧娟同黎美嫻就係我拍第一部電視劇時認識，我哋有咩都會同大家分享。」談及已故好友羅慧娟，Monica放聲大笑，仍難掩心中傷痛，「佢走之前好唔放心我，佢話唔係驚我嫁唔出，係佢覺得我白白痴痴，驚我俾人呃！其實最蠢係佢，佢心地太好，當所有人都係好人。」
性格內向首拍劇成好友
她續說：「有人問我點樣陪佢走過低谷，其實我好慚愧，因為係樂觀的娟妹帶住接受唔到現實的我向前行。」Monica眼泛淚光，連主持周美鳳也跟著眼濕濕。問Monica最懷念娟妹甚麼，Monica破涕為笑表示：「我最懷念佢蠢！無人夠佢咁單純！」
周美鳳問Monica身邊朋友有沒有向她介紹男仔，Monica說：「只有羅慧娟試過一次，之後真係一次都無。朋友都知道我性格，如果我知有新朋友來，我就唔出現。」Monica又表示，仍期盼愛情來臨：「我會將愛情同婚姻美化，想好似公主王子一樣，同男朋友愛到天崩地裂，因為我好享受戀愛感覺。如果男朋友有一日無打電話畀我，我就會擔心，所以我都會容易失望。但你問我對結婚有無憧憬，我會即刻答，我有㗎！」
|
放大圖片
