 放大圖片
■敏之向劇中男友森美送抱。
香港文匯報訊（記者 梁靜儀）無綫劇集《法網狙擊》前晚播映大結局，有份演出的森美、陳敏之、陳煒（煒哥）、郭政鴻、阮兆祥及白健恩等演員，相約飯局兼收睇大結局，不過男女主角謝天華及楊怡，以及因強姦戲而成為焦點的高海寧卻齊齊缺席。
敏之前晚甫見到劇中男友「波地Sir」森美即上前主動繑著又攬腰合照，可惜卻一時興奮失守露底。對於她在劇中穿上短裙揸槍跟頭號通緝犯駁火被指不合情理，敏之死撐說：「其實都好合理，都唔算好浮誇，如果照晒現實生活咁拍就無晒戲味啦。」至於許紹雄踩單車追私家車更不合邏緝？她繼續死撐，並笑道：「可能佢中途坐過小巴或的士返屋企呢。」
劇集帶挈 森美荷包脹
對於新推出的《老表，你好嘢！》風頭蓋過了《法》劇，首次拍劇的森美唔認輸說：「我哋夠搶晒《大太監》尾彩啦，贏到亞視咪得囉！」森美又自爆受到劇集帶挈，最近接了3個廣告。
劇中飾演奸角有性感演出的陳煒，其演出受到網民熱烈討論，她自爆與郭政鴻在船艙還有更激的戲份卻被cut了。問到她可感失望？她笑道：「可能畀監製導演自己收埋做私人珍藏，希望有朝一日可以推出個加長版畀大家睇吓。」身為人妻的煒哥，被問到老公看完她與郭政鴻的激情戲可有「眼火爆」？她笑說：「老公應該未睇，唔怕佢會呷醋，拍攝前都有同他提過會有幾激，佢係一個專業的觀眾。」
|
放大圖片
