 放大圖片
■千嬅偕同區永權父子向大家拜早年。
香港文匯報訊（記者 凡文）楊千嬅日前與區永權一家齊食開年飯，千嬅透露產後復工後仍未習慣，她坦言：「好老實同你講，我到現在都唔係好想返工㗎，我唔知點解釋畀你聽，我唔係唔愛我的職業，我好喜歡拍戲和唱歌，但個tempo同以前唔同了，想在屋企多些。」
升任母親級後，千嬅與藝人朋友們見面，第一件事即問對方有關小朋友的問題，如學業問題，她更笑言為了兒子Torres，已準備好要讀多一次幼稚園、小學及中學。至於兒子會否入娛樂圈？她表示：「我唔會迫佢一定要當歌手，但如果佢喜歡音樂，係一種才華，我一定會好好咁去培養佢。」
千嬅笑謂產前產後放了5個月假，入行十多年娛樂圈工作，也未有放過長假，更興起如果再度懷孕就好了的想法，「真係有想過要追多一個，希望兒子將來有個伴，始終我生佢年紀都唔係細，之後兒子未來的路都有個人有商有量，生仔定生女都冇咩所謂。」
|
放大圖片
