陶大宇愛飲湯水保健康

放大圖片

　■陶大宇接受有線節目《潮玩潮食》訪問。

香港文匯報訊（記者 凡文）衛志豪、黃芳雯及羅嘉如主持的有線節目《潮玩潮食》，特別請來陶大宇擔任嘉賓，齊齊到新蒲崗大擦懷舊粵菜，陶大宇更分享其健康飲食之道。三位主持一早為大宇叫定餸，陶大宇甫來到便急不及待一嚐幾道懷舊小菜。陶大宇對餐廳的名菜「金錢雞」情有獨鍾，他食家上身般道：「師傅將幾種材料串埋一齊，好考工夫！一咬落去肥豬肉好油，但慢慢就食到好香嘅叉燒同豬肝，仲有片薑中和返，好正！」

　陶大宇近年主要在內地拍劇，而由於內地的食物普遍較油膩，問大宇如何食得健康？他分享心得道：「我食得好小心，每餐都拿一杯滾水，用水沖一沖食物才食。食完一餐就會發覺一大層油浮在水面，如果長期食咁多油實死得。」陶大宇又揚言湯水很重要：「飯可以唔食，但湯一定要飲！」他又謂自己很幸運，因在內地拍劇時經常有劇組人員煲靚湯請大家飲。

談到好友歐陽震華（Bobby）早前因急性肺炎死過翻生，陶大宇鬆了一口氣表示：「今次真係多謝Bobby！佢今次出事令我哋幾個朋友即刻醒覺，進食速度慢返晒！千萬不要狼吞虎嚥。」問大宇以後跟Bobby吃飯會否不敢太興奮？他笑說：「直頭不敢叫他」！大魚大肉都不預他！」

Bobby與好友飯敘

　另外，大病初癒的歐陽震華早前因急性肺炎而入院，留院11日後終於生猛出院。Bobby更與一眾好友吃飯慶祝。容光煥發的Bobby在微博透露與林峯、阮兆祥及老婆傅潔嫻等人吃晚飯，影大合照時齊齊舉起手指公，留言道：「昨晚跟好友們吃了一頓很豐富的晚飯，多謝瑞哥！」