 放大圖片
■劉德華和鄭秀文熱捧Bocelli香港開騷，撲飛支持。
香港文匯報訊 劉德華為鑽研新片《盲探》的角色，專程到訓練中心與失明人士齊齊上堂，體會單靠聲音生活。對於失明歌唱家Bocelli來港開騷，華仔坦言被對方獨特歌聲打動，而拍檔鄭秀文(Sammi)更興奮得手舞足蹈，讚Bocelli歌聲能撫慰她的心靈！
被譽為影壇鐵三角的劉德華、鄭秀文和杜琪峯，闊別八年又再合作，新片《盲探》今年暑假上映，片中華仔飾演失明的前偵探，協助女警Sammi破奇案。工作認真的華仔自從接到劇本後就苦心鑽研，為演得更似模似樣，親到失明人士訓練中心，與一群真正失明人士上課六個星期，華仔表示：「真正盲人唔似做戲咁伸手周圍摸和跌跌撞撞，佢哋靠聲音和用心去感覺周圍環境，甚至比我哋睇到嘢嘅人做得更好。有一位失明嘅女仔喺訓練中心挑戰我跑樓梯，由四樓到地下來回，因為係佢熟悉嘅環境，結果佢快過我。而我亦練習幪眼煮飯切菜倒茶，只要細心留意聲音嘅變化，就可以知道斟咗幾多熱水，同埋鑊裡嘅餸煮熟未，唔通乜都用手試咩？」
跟失明人士學習令華仔獲益良多，對聲音更加敏感，而紅遍全球的第四大男高音Andrea Bocelli也是一名失明人士，他將於五月三日來港在灣仔會展舉行演唱會，華仔表示被他的歌聲感動：「我一直都有留意Bocelli，佢嘅歌聲好能打動我！其實失明人士嘅世界只得聲響，而佢點樣感動別人就完全靠佢把聲，佢每次演出都令我覺得佢每一粒音都與眾不同，同樣係歌聲，但寧舍容易打動我！」身旁的Sammi對於Bocelli來港表演顯得非常雀躍，她還舉手表示要撲飛欣賞。她說：「好想去睇呀！我好鍾意佢把聲，有少少聲樂得嚟，唱pop又得喎，我好鍾意佢嘅音樂，撫慰到我嘅心靈！」
|
放大圖片
