 放大圖片
■粉絲邊咀邊自拍。 美聯社
荷里活男星湯告魯斯(Tom Cruise)前日帶同新片《攻．元2077》(Oblivion)到阿根廷布宜諾斯艾利斯舉行首映禮，其間有粉絲乘機「抽水」索吻，但靚佬湯似乎毫不介意，全程笑容滿面。另外，他抵當地後即獲熱烈歡迎，當地市長更特意舉辦典禮招待他。
靚佬湯前日帶同新片《攻．元2077》及兩名拍檔《新鐵金剛之量子殺機》邦女郎奧嘉古莉寧高 (Olga Kurylenko)和Andrea Riseborough到阿根廷布宜諾斯艾利斯出席首映禮。靚佬湯當日心情大靚，全程掛起招牌笑容，加上在紅地毯上獲兩名悉心打扮的拍檔陪伴在側，左擁右抱地為人拍照，享盡齊人之福。而且，他在場內亦有艷遇，有粉絲與她拍照時主動送吻，可見這位已經50歲的男人依然充滿吸引力。另外，奧嘉亦相當識做，向在場人士大派飛吻，冧盡一眾影迷。這套電影除了靚佬湯之外，亦有老牌男星摩根費曼(Morgan Freeman)參演，令該片更有睇頭。
此外，靚佬湯到達布宜諾斯艾利斯後即被熱烈歡迎。他到達當地時，沿途的粉絲向他撒上玫瑰花瓣以示歡迎，氹得他非常開心，而當地市長更特意舉辦典禮對他頒發榮譽，又安排國家一流的舞蹈員為靚佬湯表演探戈舞，簡直有如皇室人員般看待。
出巡搵食顯親民
靚佬湯抵阿根廷不單大晒招牌笑容，更表現親民作風，吸引一眾男女粉絲好評連連。據知，靚佬湯出席活動之餘，更出動尋找地道美食。有布宜諾斯艾利斯的餐廳廚師就大讚靚佬湯，表示：「我被安排為湯告魯斯料理食物，他真的是一位很友善的人，他經常說多謝，由於我們已提供不同的飲品，他沒有飲任何酒精飲品。」另外，他又補充說道，靚佬湯對他表示非常滿意食物，只是有一項要求便是希望剔除牛柳菜式。 ■文：Bosco
|
放大圖片
