 放大圖片
香港文匯報訊 今年是張國榮(哥哥)（圖右）逝世十周年，有線娛樂新聞台製作特輯《張國榮 這些年來》播出一段從未曝光、毛舜筠（圖左）訪問哥哥的片段，片段中哥哥大談那些年他對電影製作的一些看法，更透露他的電影夢。
哥哥曾表示覺得香港的電影乏善足陳：「香港電影人思維唔太出眾，唔係想得罪任何人，我覺得創作方面有少少乏善足陳，好多時會一窩蜂拍愛情、搞笑、黑社會等題材的電影。」
當毛舜筠談到香港電影的製作成本很低，而演員片酬偏高的情況時，哥哥自爆曾以象徵式一蚊片酬接拍電影：「在香港經濟及電影市道最低潮時，我試過做開荒牛唔收片酬拍戲。當時有多個捧過金像獎的名導演一齊成立創意聯盟，希望製作一些好電影，挽救電影巿道，我係第一個答應幫他們（創意聯盟）拍戲，當時張之亮戰戰兢兢、誠惶誠恐搵我拍戲，問我可唔可以收順些，我話我收一蚊片酬幫你拍。」不過哥哥直言當年的創意聯盟不齊心：「我覺得他們有私心。既然話得係『聯盟』，應該幾個智囊團體同心做好一件事。但最後大家係各自拍自己的電影，好急就章去做一件事，所以出來結果唔係預期得益咁大。」哥哥續說：「香港的電影市場好細，要現實些去計數，他們無計數，仲拍緊他們理想中的Art film(藝術片)，我覺得創意聯盟應該拍Commercial film(商業電影)，拍一些令觀眾覺得好睇、值得捧場的香港電影。」
哥哥不恨攞「最受歡迎」獎
哥哥表示自己仍熱衷於拍戲，但如果再有人找他零片酬拍戲，他會有好大保留，他說：「你一定要畀好劇本我，用誠意感動我先。因為我覺得好多導演sell劇本時講到天花龍鳳，到最後根本不是那回事。」
被問到想不想獲獎，哥哥二話不說表示「想！」，但並非要進軍荷里活，「唔係話一定要攞康城、奧斯卡的獎項，香港電影金像獎我都好恨攞，音樂的獎項我都好恨攞，但唔好畀『最受歡迎』那一類獎我，我覺得無咩代表性，我演唱會賣得已經代表最受歡迎啦，唱歌咩獎我未攞過？同埋我唔相信張國榮會攞唔到格林美獎。不過電影對我來講挑戰性多些，可能有日我會攞到外國演員獎。」
|
放大圖片
